Kattaqo‘rg‘on davlat pedagogika instituti xalqaro ilmiy maydonda THE reytingida e’tirof etildi

Maktabgacha va boshlang‘ich ta’lim kafedrasi o‘qituvchisi Zulfiya Qarshiyeva hamda professor-o‘qituvchilar tomonidan Scopus xalqaro ilmiy-texnik bazasida chop etilgan maqolalar natijasida institut nomi nufuzli Times Higher Education (THE) xalqaro reytingida qayd etildi.
Mazkur yutuq institutda olib borilayotgan ilmiy-tadqiqot ishlarining samaradorligini, professor-o‘qituvchilarning ilmiy faolligini va ta’lim hamda fan integratsiyasiga qaratilgan izchil ishlarni tasdiqlaydi.
THE xalqaro reytingida tilga olinishi institutining xalqaro nufuzini oshirib, kelgusida yangi ilmiy hamkorliklar va yuksak natijalar sari yo‘l ochadi.
Institut jamoasi ushbu muhim yutuq bilan barcha professor-o‘qituvchilarni tabriklaydi va ilmiy faoliyatda yangi muvaffaqiyatlar tilaydi.