Institutimiz o‘qituvchilari Malaya universiteti bilan hamkorlikda vebinar darsi o‘tkazdi

Kattaqo‘rg‘on davlat pedagogika instituti Xorijiy tillar kafedrasi o‘qituvchilari Shaxnoza Berdikulova va Zarina Murtozayeva hozirda Malayziya davlatining Malaya universitetida malaka oshirish kurslarida ishtirok etmoqda.
Malaka oshirish doirasida Malaya universiteti va Kattaqo‘rg‘on davlat pedagogika instituti hamkorligida vebinar darsi tashkil etildi. Tadbirda institutning Xorijiy tillar kafedrasi o‘qituvchilari va talabalari faol ishtirok etdi.
Vebinar davomida malaka oshirayotgan o‘qituvchilar tomonidan zamonaviy ta’lim metodlari va xorijiy tillarni o‘qitishning ilg‘or tajribalari bo‘yicha ma’lumotlar berildi.
Institut rahbariyati va kafedra jamoasi ushbu hamkorlikni mustahkamlash va xalqaro tajribani o‘quv jarayoniga integratsiya qilish borasida kelgusida ham faol ish olib borishni rejalashtirmoqda.
Kattaqoʻrgʻon davlat pedagogika instituti Matbuot xizmati