“TALABALAR LIGASI” DOIRASIDA MINI-FUTBOL MUSOBAQALARI DAVOM ETMOQDA…

Prezidentning “Ommaviy va professional futbolni har tomonlama rivojlantirishning qoʻshimcha chora-tadbirlari toʻgʻrisida”gi 2023-yil 7-apreldagi PQ-115-son qarori hamda 2025-yil 15-avgustdagi 1/15-421-Q/Q-sonli qo‘shma qaror ijrosini ta’minlash maqsadida Kattaqo‘rg‘on davlat pedagogika institutida mini-futbol sport turi bo‘yicha musobaqalar qizg‘in va yuqori raqobat ruhida o‘tkazilmoqda.
Mazkur musobaqalarda institutimizning barcha yo‘nalishlarida tahsil olayotgan talabalar faol ishtirok etib, o‘z jamoalarining g‘alaba qozonishi uchun bor kuch va mahoratlarini safarbar etmoqdalar.
Musobaqa doirasida quyidagi bosqich va tadbirlar tashkil etilgan:
– Guruh bosqichi o‘yinlari;
– Saralash uchrashuvlari;
– Yarim final va final bellashuvlari;
– “Eng yaxshi o‘yinchi”, “Eng yaxshi darvozabon” kabi nominatsiyalar bo‘yicha taqdirlash marosimi.
Ushbu musobaqalar yoshlarning jismoniy faolligini oshirish, ommaviy sportni rivojlantirish, shuningdek, talabalar o‘rtasida sog‘lom raqobat va do‘stona muhitni mustahkamlashga xizmat qilmoqda.