“Vatan bo‘ylab sayohat”: Buxoroga madaniy ekskursiya

Xorijiy til va adabiyoti yo‘nalishining XT_22_01-guruh talabalari guruh rahbari Nafisa Sattorova boshchiligida “Vatan bo‘ylab sayohat” shiori ostida Buxoro viloyatiga madaniy ekskursiya uyushtirdilar. Mazkur sayohat mamlakatimizning qadimiy va boy tarixini o‘rganish, milliy madaniy merosimiz bilan yaqindan tanishish hamda talabalarning tarixiy bilimlarini mustahkamlash maqsadida tashkil etildi. Ekskursiya davomida talabalar Buxoro viloyatidagi tarixiy obidalar va diqqatga sazovor maskanlar bilan tanishib, boy taassurotlar oldilar.