Institutimiz talabalari Amir Temur mahallasiga bordi

“Mening mahallam – mening faxrim” loyihasi doirasida Kattaqo‘rg‘on davlat pedagogika instituti talabalari yo‘nalish tyutorlari hamda dekan o‘rinbosarlari boshchiligida Kattaqo‘rg‘on shahridagi Amir Temur mahalla fuqarolar yig‘iniga tashrif buyurdi.
Tashrif davomida mahallada amalga oshirilayotgan ishlar, xususan, “mahalla yettiligi” faoliyati, yoshlar uchun yaratilayotgan shart-sharoitlar, ularning ijtimoiy faolligini oshirish, bandligini ta’minlash hamda qo‘llab-quvvatlash borasida olib borilayotgan chora-tadbirlar haqida batafsil ma’lumotlar berildi.
Shuningdek, mahalla yoshlariga ko‘rsatilayotgan ijtimoiy, ma’naviy va moddiy yordamlar hamda ularning muammolarini o‘rganish va hal etish mexanizmlari yuzasidan ma’lumot berilib, uchrashuv talabalarda mahalla tizimi faoliyati hamda uning jamiyatdagi o‘rni va ahamiyati haqida yanada keng tasavvur hosil bo‘lishiga xizmat qildi.