KORRUPSIYAGA QARSHI KURASHISH BO‘YICHA DAVRA SUHBATI TASHKIL ETILDI

Kattaqo‘rg‘on davlat pedagogika institutida Korrupsiyaga qarshi kurashish komplayens nazorat tizimini boshqarish bo‘limi boshlig‘i E.Xudoyqulov, institut bosh auditori A.Quvondiqov hamda talabalar ishtirokida davra suhbati tashkil etildi.
Mazkur davra suhbatida “Moliyaviy savodxonlik” mavzusi, korrupsiyaga oid huquqbuzarliklarning sodir etilish sabablari, bunday salbiy holatlarni keltirib chiqaruvchi omillar hamda ularning oldini olish masalalari muhokama qilindi. Shuningdek, korrupsiyaga qarshi kurashishda jamoatchilik nazoratini kuchaytirish, xususan, ijtimoiy tarmoqlar orqali anonim so‘rovnomalar o‘tkazish mexanizmlari yuzasidan batafsil tushunchalar berildi.
Tadbir ishtirokchilari tomonidan mavzu yuzasidan fikr-mulohazalar bildirilib, savollarga mutaxassislar tomonidan atroflicha javoblar berildi.