Pedagogika fakultetida “Talabalar ligasi” doirasida voleybol musobaqasi o‘tkazildi

Pedagogika fakultetida “Talabalar ligasi” doirasida sportning voleybol turi bo‘yicha talaba-qizlar o‘rtasida musobaqa tashkil etildi.
Mazkur sport tadbiri talaba-yoshlarning, xususan, qizlarning sportga bo‘lgan qiziqishini yanada oshirish, ular orasida jamoaviylik, chaqqonlik va epchillik ko‘nikmalarini rivojlantirish hamda sog‘lom turmush tarzini keng targ‘ib etish maqsadida o‘tkazildi.
Musobaqa bahslari qizg‘in va murosasiz ruhda kechdi. Unda ishtirok etgan jamoalar o‘zlarining sport mahorati, tezkorligi, intizomi hamda jamoaviy hamjihatligini namoyon etdilar.