BITIRUVCHINING ISHGA JOYLASHISHI, LOYIHALARINING QO‘LLAB-QUVVATLANISHI ASOSIY VAZIFA

SamDU Kattaqo‘rg‘on filialida bitiruvchilarning qiziqishlari, istiqboldagi rejalari, fikrlari va muammolarini o‘rganish, ularni qo‘llab-quvvatlashga bag‘ishlangan "Biznes marafon" seminar-trening tashkil qilindi.

Unda filial direktori Sh.Urakov so‘zga chiqib, bugun oliy taʼlim muassasasi bitiruvchisining ishga joylashishi masalasi eng dolzarb vazifalardanligi, talabalarning amaliyot o‘tashi, mustaqil taʼlim olishi jarayonlari bevosita ularning bilimli va malakali kadr sifatida shakllanishida muhim ahamiyatga ega ekanligini taʼkidladi.

Seminarda Kattaqoʻrgʻon shahar Kasbiy koʻnikmalar markazi direktori J.Yoʻldoshev, Maktabgacha va maktab ta'limi boʻlimi bosh metodisti A.Tuvalboyev, Pedagogika texnikumi direktori F.Rahimova, Ijtimoiy himoya markazi yuristi S.Abdumurodov, shahar Xalq demokratik partiyasi raisi J.Shamsiddinov bo‘sh ish o‘rinlari, ishga joylashish bo‘yicha maʼlumot berdi.