9-may: Xotira va qadrlash kuni munosabati bilan xotira tadbirlari o‘tkazildi

Kattaqo‘rg‘on davlat pedagogika instituti dekan o‘rinbosarlari hamda yo‘nalish tyutorlari boshchiligida 9-may – Xotira va qadrlash kuni munosabati bilan bir qator ma’naviy-ma’rifiy tadbirlar tashkil etildi.
Jumladan, Filologiya va ijtimoiy fanlar fakulteti talabalari Kattaqo‘rg‘on shahridagi 16-maktabga tashrif buyurib, xizmat burchini bajarish chog‘ida qahramonlarcha halok bo‘lgan vatandoshimiz Ulug‘bek Barnayev byusti poyiga gul qo‘yib, uning porloq xotirasiga chuqur hurmat bajo keltirdilar.
Shuningdek, Pedagogika fakulteti talabalari Motamsaro ona haykali hamda H. Samadovlar oilasi monumenti poyiga gul qo‘yib, o‘tganlar xotirasini ehtirom bilan yod etdilar.