POLSHALIK PROFESSOR PEDAGOGIKA FAKULTETI PROFESSOR-O‘QITUVCHILARI BILAN UCHRASHDI

Polsha Respublikasi, Varshava shahridan psixologiya fanlari bo‘yicha professor Lubiewska Katazyna Ewa Kattaqo‘rg‘on davlat pedagogika institutiga amaliy tashrif buyurdi.
Amaliy tashrif doirasida professor Pedagogika fakulteti professor-o‘qituvchilari hamda talabalari bilan uchrashuv o‘tkazdi. Uchrashuv jarayonida psixologiya sohasidagi zamonaviy ilmiy yondashuvlar, xorijiy tajribalar va amaliy ishlanmalar yuzasidan fikr almashildi.
Shuningdek, kelgusida o‘zaro ilmiy-amaliy hamkorlikni rivojlantirish, qo‘shma loyihalar tashkil etish va malaka oshirish dasturlarini yo‘lga qo‘yish borasida kelishuvlarga erishildi.
Mazkur amaliy tashrif ikki tomonlama hamkorlikni mustahkamlash hamda pedagogika va psixologiya sohasida ilmiy salohiyatni oshirishga xizmat qiladi.