Xalqaro psixologlar kuni munosabati bilan ma’naviy-ma’rifiy tadbir o‘tkazildi

Maktabgacha va boshlang‘ich ta’lim kafedrasining 1- va 2-kurs psixologiya yo‘nalishi talabalari tomonidan 22-noyabr – Xalqaro psixologlar kuni munosabati bilan ma’naviy-ma’rifiy tadbir tashkil etildi.
Tadbirni institut psixologi M.Sulaymonov ochib berib, barcha ishtirokchilarni va mehmonlarni bayram bilan tabrikladi. Shundan so‘ng, kafedra mudiri T.Eshquvvatov so‘zga chiqib, psixologiya yo‘nalishi talabalari hamda tadbir qatnashchilariga o‘zining ezgu tilaklarini bildirdi.
Tadbir davomida talaba-yoshlar tomonidan turli psixologik muammolar yuzasidan fikr-mulohazalar bildirildi. Shuningdek, sahna ko‘rinishlari namoyish etildi hamda kuy-qo‘shiqlar ijro etilib, tadbirga ko‘tarinki ruh bag‘ishlandi.