PAYSHANBA – YOSHLAR KUNI

Kattaqo‘rg‘on davlat pedagogika institutida Kattaqo‘rg‘on shahar hokimi Gavhar Alimova, Samarqand viloyati hokimi o‘rinbosari Husan Tuxtayev, Yoshlar ishlari boshqarmasi boshlig‘i D.Azizova hamda institut rektori Sherzod Urakov ishtirokida talaba-yoshlar bilan uchrashuv tashkil etildi.
Uchrashuv davomida yoshlarning taklif va tashabbuslari tinglanib, ularni qo‘llab-quvvatlash, bandligini ta’minlash, shuningdek, ta’lim, tadbirkorlik va ijtimoiy sohalarda mavjud imkoniyatlar haqida atroflicha ma’lumot berildi.
Muloqot jarayonida faol talaba-yoshlar o‘zlarini qiziqtirgan masalalar yuzasidan savollar berib, yangi loyiha va tashabbuslar bo‘yicha o‘z takliflarini bildirdilar. Shuningdek, ilgari surilgan tashabbuslarni amaliyotga joriy etish hamda ularni qo‘llab-quvvatlash yuzasidan muhim masalalar muhokama qilindi.
Mazkur uchrashuv talaba-yoshlarning tashabbuslarini qo‘llab-quvvatlash, ularning ijtimoiy faolligini oshirish hamda ochiq muloqot muhitini mustahkamlashga xizmat qildi.