“Yangi O‘zbekiston talabalari Olimpiadasi”: yengil atletika bo‘yicha fakultetlar bosqichi o‘tkazildi

Kattaqo‘rg‘on shahridagi “Do'stlik” o‘yingohida Kattaqo‘rg‘on davlat pedagogika instituti talaba-yoshlari o‘rtasida “Yangi O‘zbekiston talabalari Olimpiadasi” doirasida sportning yengil atletika turi bo‘yicha fakultetlar bosqichi o‘tkazildi.
Mazkur musobaqa talaba-yoshlar orasida jismoniy tarbiya va sportga bo‘lgan qiziqishni oshirish, jamiyatda sog‘lom turmush tarzi tamoyillarini yanada mustahkamlash, talabalarning darsdan bo‘sh vaqtlarini mazmunli tashkil etish hamda iqtidorli yosh sportchilarni aniqlash maqsadida o‘tkazildi.
Unda institutning iqtidorli va faol talaba-yoshlari ishtirok etib, o‘zaro bellashdilar.
Musobaqa davomida ishtirokchilar yengil atletikaning turli yo‘nalishlari bo‘yicha o‘z mahoratlarini namoyish etib, g‘oliblik uchun kurash olib bordilar.