“Янги Ўзбекистон талабалари Олимпиадаси”: енгил атлетика бўйича факултетлар босқичи ўтказилди

Каттақўрғон шаҳридаги “Дўстлик” ўйингоҳида Каттақўрғон давлат педагогика институти талаба-ёшлари ўртасида “Янги Ўзбекистон талабалари Олимпиадаси” доирасида спортнинг енгил атлетика тури бўйича факултетлар босқичи ўтказилди.
Мазкур мусобақа талаба-ёшлар орасида жисмоний тарбия ва спортга бўлган қизиқишни ошириш, жамиятда соғлом турмуш тарзи тамойилларини янада мустаҳкамлаш, талабаларнинг дарсдан бўш вақтларини мазмунли ташкил этиш ҳамда иқтидорли ёш спортчиларни аниқлаш мақсадида ўтказилди.
Унда институтнинг иқтидорли ва фаол талаба-ёшлари иштирок этиб, ўзаро беллашдилар.
Мусобақа давомида иштирокчилар енгил атлетиканинг турли йўналишлари бўйича ўз маҳоратларини намойиш этиб, ғолиблик учун кураш олиб бордилар.