“Kelajakka tadbirkori Expo-2026” ko‘rgazma-yarmarkasida

Bugun Samarqand shahridagi “Motivatsiya maydoni” zonasida yoshlar va oliy ta’lim muassasalari bitiruvchilari uchun “Kelajakka tadbirkori Expo-2026” ko‘rgazma-yarmarkasi bo‘lib o‘tdi.
Unda Kattaqo‘rg‘on davlat pedagogika institutining bitiruvchi kurs talabalari ham ishtirok etdi.
“O‘zmilliybank” AJ, Oliy ta’lim, fan va innovatsiyalar vazirligi, Kambag‘allikni qisqartirish va bandlik vazirligi, Yoshlar ishlari agentligi, Savdo-sanoat palatasi hamda Samarqand viloyati hokimligi hamkorligida tashkil etilgan tadbirda “Ishga marhamat”, “Kasblar akademiyasi”, “Biznes laboratoriya” ko‘rgazmalari, biznes trening, “PQ–210” sonli qarori taqdimoti, yoshlarning startap g‘oyalari va kredit mahsulotlari taqdimotlari o‘tkazildi.
Shuningdek, “Mahallamiz tadbirkori” taqdimoti, mutasaddi tashkilotlar rahbarlari bilan ochiq muloqot hamda taqdirlash marosimi tashkil etildi.
Tadbirning tantanali ochilish marosimida Samarqand viloyati hokimi o‘rinbosari Rustam Qobilov ishtirok etdi.
Ko‘rgazma-yarmarka yoshlarni tadbirkorlikka jalb etish, ularning startap g‘oyalarini qo‘llab-quvvatlash va bandligini ta’minlashga qaratildi.