Kattaqo‘rg‘on davlat pedagogika institutida “Qog‘ozsiz bir kun” aksiyasi o‘tkazildi

Bugun Kattaqo‘rg‘on davlat pedagogika institutida ekologik mas’uliyatni oshirish, qog‘oz sarfini kamaytirish hamda ish jarayonlarida raqamli texnologiyalardan samarali foydalanish maqsadida “Qog‘ozsiz bir kun” aksiyasi o‘tkazildi.
Aksiya doirasida institutning kundalik ish jarayonlarida qog‘ozdan foydalanish imkon qadar cheklangan holda, hujjatlar va xizmat yozishmalarini elektron shaklda yuritishga alohida e’tibor qaratildi.
Mazkur tashabbus orqali ish jarayonlarini raqamlashtirish, hujjatlar almashinuvini elektron shaklga o‘tkazish, vaqt va resurslardan samarali foydalanish hamda qog‘oz sarfini kamaytirishga qaratilgan amaliy choralar qo‘llab-quvvatlandi.