Каттақўрғон давлат педагогика институтида “Қоғозсиз бир кун” аксияси ўтказилди

Бугун Каттақўрғон давлат педагогика институтида экологик масъулиятни ошириш, қоғоз сарфини камайтириш ҳамда иш жараёнларида рақамли технологиялардан самарали фойдаланиш мақсадида “Қоғозсиз бир кун” аксияси ўтказилди.
Аксия доирасида институтнинг кундалик иш жараёнларида қоғоздан фойдаланиш имкон қадар чекланган ҳолда, ҳужжатлар ва хизмат ёзишмаларини электрон шаклда юритишга алоҳида эътибор қаратилди.
Мазкур ташаббус орқали иш жараёнларини рақамлаштириш, ҳужжатлар алмашинувини электрон шаклга ўтказиш, вақт ва ресурслардан самарали фойдаланиш ҳамда қоғоз сарфини камайтиришга қаратилган амалий чоралар қўллаб-қувватланди.