Is gazidan zaharlanishning oldini olish muhim vazifa

Kattaqo‘rg‘on davlat pedagogika institutida kuz-qish mavsumida talabalar turar joylari va ijara xonadonlarida is gazidan zaharlanish, gaz-havo aralashmasining chaqnashi hamda yong‘inlarning oldini olishga qaratilgan o‘quv-seminar o‘tkazildi.
Seminarda Kattaqo‘rg‘on shahar FVB boshlig‘i, podpolkovnik Z.Atayorov, Kattaqo‘rg‘on shahar FVB inspektori, mayor S.Samatov hamda institutning fuqaro va mehnat muhofazasi muhandisi A.Eshonqulov ishtirok etdi.
O‘quv-seminar davomida talabalarga kuz-qish mavsumida xavfsizlik qoidalariga rioya qilish, is gazidan zaharlanish, gaz-havo aralashmasining chaqnashi va yong‘inlarning oldini olish bo‘yicha batafsil ma’lumotlar berildi.
Shuningdek, favqulodda holatlarning oldini olish, gaz va isitish moslamalaridan to‘g‘ri foydalanish hamda xavfsizlik talablariga qat’iy rioya qilish yuzasidan zarur tavsiyalar berildi.