“Besh tashabbus olimpiadasi” doirasida fakultet bosqichi musobaqalari o‘tkazildi

Kattaqo‘rg‘on davlat pedagogika institutida “Besh tashabbus olimpiadasi” doirasida Aniq va tabiiy fanlar fakulteti talabalari o‘rtasida stritbol va stol tennisi sport turlari bo‘yicha fakultet bosqichi musobaqalari tashkil etildi.

Musobaqalardan ko‘zlangan asosiy maqsad talaba-yoshlar o‘rtasida sog‘lom turmush tarzini targ‘ib qilish, ularning sportga bo‘lgan qiziqishini oshirish, jismoniy faolligini qo‘llab-quvvatlash hamda iqtidorli va mahoratli yoshlarni aniqlashdan iborat.
Bellashuvlar davomida talabalar o‘zlarining sport mahorati, chaqqonligi, tezkorligi va g‘alabaga bo‘lgan intilishini namoyon etdilar. Musobaqalar ko‘tarinki ruhda va murosasiz bahslarga boy tarzda o‘tdi.