PEDAGOGIKA FAKULTETI RAHBARIYATI TALABALAR TURAR JOYLARIDA MONITORING O‘TKAZDI

Kattaqo‘rg‘on davlat pedagogika instituti Pedagogika fakulteti rahbariyati tomonidan talabalar turar joylarida o‘rganish ishlari amalga oshirildi.
O'rganish jarayonda fakultet dekani A.I.Saidov, yoshlar bilan ishlash va ma’naviy-ma’rifiy ishlar bo‘yicha dekan o‘rinbosari M.A.Xolmurodov, shuningdek kafedra mudirlari T.Eshquvvatov hamda S.Igamovlar 1-son va 2-son Talabalar turar joylarida bo‘lishdi.
Ular talabalarning yashash sharoitlari, mavjud muammolari, turar joylarda yaratilgan imkoniyatlar, kitob o‘qish va sport bilan shug‘ullanishlari, shuningdek kuz-qish mavsumiga tayyorgarlik holatini o‘rganishdi.
O‘rganish jarayonida talabalar uchun yaratilgan shart-sharoitlar, isitish tizimi, sanitariya-gigiyena holati, xavfsizlik qoidalariga rioya etilishi hamda TTJlarda tartib-intizom masalalari atroflicha ko‘zdan kechirildi. Rahbariyat tomonidan tegishli tavsiyalar berildi va talabalar uchun yanada qulay shart-sharoit yaratish bo‘yicha topshiriqlar belgilab olindi.