Harbiy xavfsizlik va mudofaa universiteti vakillari talabalar bilan uchrashdi

Kattaqo‘rg‘on davlat pedagogika institutida O‘zbekiston Respublikasi Harbiy xavfsizlik va mudofaa universitetining Axborot-kommunikatsiya texnologiyalari va harbiy aloqa instituti faoliyati bo‘yicha ma’lumot berish maqsadida uchrashuv tashkil etildi. Tadbirda podpolkovnik A.Shafeyev hamda Kattaqo‘rg‘on shahar Mudofaa ishlari bo‘limi boshlig‘i o‘rinbosari Hamro Roximov talabalar bilan muloqot qildilar.
Uchrashuv davomida institutning tashkil etilish tarixi, mavjud fakultet va kafedralar, ta’lim yo‘nalishlari hamda o‘quv jarayoni haqida batafsil ma’lumot berildi. Shuningdek, talabalar institutda yaratilgan shart-sharoitlar, harbiy-intellektual tayyorgarlik tizimi va institutning asosiy vazifalari bilan tanishtirildi.
Mazkur tadbir talabalar va ilmiy-pedagogik jamoa uchun qiziqarli va foydali bo‘ldi, o‘quv jarayoniga bo‘lgan qiziqish va motivatsiyani yanada oshirishga xizmat qildi.