YAKUNIY NAZORAT IMTIHONLARI SHAFFOFLIK VA ADOLATLILIK MEZONLARI ASOSIDA O‘TKAZILMOQDA

Kattaqo‘rg‘on davlat pedagogika institutida yakuniy nazorat imtihonlari shaffoflik va adolatlilik tamoyillari asosida tashkil etilmoqda. Yakuniy nazorat imtihonlariga talabalarni kiritish faqat shaxsni tasdiqlovchi hujjatlar – talaba ID-kartasi (1–3-bosqich talabalari uchun), pasport, ID-karta yoki haydovchilik guvohnomasi taqdim etilgandan so‘ng amalga oshiriladi.
Shuningdek, talabalarning turli texnik vositalardan, jumladan, uyali aloqa vositalari, mikro quloqchinlar hamda ko‘chirmachilikka olib keluvchi boshqa qurilmalardan foydalanishining oldini olish maqsadida imtihon xonalariga kirishda metall detektorlar orqali tekshiruv o‘tkazilmoqda.
Bundan tashqari, yakuniy nazorat imtihonlari jarayonini keng jamoatchilik institutning rasmiy veb-sayti – https://katdpi.uz/ — orqali joylashtirilgan maxsus havola orqali bevosita onlayn kuzatishi mumkin.