“Yoshlar kuni” doirasida talabalar bilan ochiq muloqot o‘tkazildi

Bugun, payshanba – “Yoshlar kuni” doirasida Kattaqo‘rg‘on davlat pedagogika institutida institut psixologi M.Sulaymonov hamda fakultet dekanlarining o‘rinbosarlari ishtirokida talabalar bilan uchrashuv tashkil etildi.
Mazkur uchrashuv davomida talaba-yoshlarning qiziqishlari, ularning bo‘sh vaqtlarini mazmunli tashkil etish masalalari, mavjud muammolar hamda ilgari surilayotgan tashabbuslar muhokama qilindi. Shuningdek, talabalar tomonidan bildirilgan taklif va mulohazalar tinglanib, ularni amaliy jihatdan qo‘llab-quvvatlash yuzasidan tegishli tavsiyalar berildi.
Uchrashuv samimiy va ochiq muloqot tarzida o‘tib, unda yoshlarning ijtimoiy faolligini oshirish, ularni har tomonlama qo‘llab-quvvatlash hamda bo‘sh vaqtlarini samarali tashkil etish borasidagi muhim masalalar yuzasidan fikr almashildi.