Institutda “Sport kuni” doirasida ertalabki badantarbiya mashg‘ulotlari o‘tkazildi

Kattaqo‘rg‘on davlat pedagogika institutida haftaning har chorshanba kuni “Sport kuni” etib belgilangan. Shu munosabat bilan bugun erta tongdan Pedagogika fakulteti tashabbusi bilan fakultet professor-o‘qituvchilari hamda TTJda istiqomat qiluvchi talabalar ishtirokida ertalabki badantarbiya mashg‘ulotlari tashkil etildi.
Mazkur mashg‘ulotlar sog‘lom turmush tarzini keng targ‘ib qilish, jismoniy faollikni oshirish, shuningdek, professor-o‘qituvchilar va talabalar o‘rtasida sportga bo‘lgan qiziqishni yanada kuchaytirishga xizmat qilmoqda.