2-sonli TTJda maxsus-taktik o‘quv mashg‘uloti o‘tkazildi

Kattaqo‘rg‘on davlat pedagogika institutining 2-sonli talabalar turar joyida maxsus-taktik o‘quv mashg‘uloti o‘tkazildi.
Mashg‘ulot davomida Kattaqo‘rg‘on shahar Favqulodda vaziyatlar bo‘limi tomonidan talabalar turar joyida yuzaga kelishi mumkin bo‘lgan yong‘in holatlarida fuqarolarning hayotini saqlab qolish, ularni xavfsiz hududga evakuatsiya qilish hamda yong‘inni qisqa fursatda, talofatlarsiz bartaraf etish bo‘yicha amaliy ko‘nikmalar sinovdan o‘tkazildi.
O‘quv mashg‘ulotida barcha tegishli xizmatlar – tez tibbiy yordam, elektr ta’minoti, hududgaz korxonasi hamda sanitariya-epidemiologiya xizmati vakillari faol ishtirok etib, belgilangan vazifalarni o‘z vaqtida va samarali bajardilar.
Mazkur tadbir favqulodda vaziyatlarga tayyorgarlik darajasini oshirish, xizmatlararo hamkorlikni mustahkamlash hamda yuzaga kelishi mumkin bo‘lgan xavflarning oldini olishda muhim ahamiyat kasb etadi.