“Bir Vatan, bir el, bir bayroq!” shiori ostida ma’naviy-ma’rifiy tadbir o‘tkazildi

Kattaqo‘rg‘on davlat pedagogika institutida 18-noyabr – O‘zbekiston Respublikasi Davlat bayrog‘i qabul qilingan kun munosabati bilan “Bir Vatan, bir el, bir bayroq!” shiori ostida ma’naviy-ma’rifiy tadbir tashkil etildi.
Tadbirda institut rahbariyati, professor-o‘qituvchilar hamda talaba-yoshlar ishtirok etdi. Dastur doirasida bayroqning yaratilish tarixi, undagi rang va ramzlarning mazmun-mohiyati badiiy sahna ko‘rinishi orqali ifoda etildi. Shuningdek, tadbir davomida davlat ramzlarining ahamiyati, ularning mustaqil davlat timsoli sifatidagi o‘rni va tarixiy qimmatiga doir ma’lumotlar berildi.
Ta’kidlanganidek, bayroq – xalqning sha’ni, g‘ururi va mustaqilligimizning yorqin ramzi bo‘lib, uni e’zozlash har bir fuqaroning muqaddas burchidir.