Faol jamoa, yuksak ruh, Vatanparvarlik!

Kattaqo‘rg‘on shahrida “Vatanparvarlik oyligi”ga start berildi
Joriy yilning 15-dekabridan 15-yanvariga qadar yurtimiz bo‘ylab “Vatanparvarlik oyligi” doirasida turli ma’naviy-ma’rifiy tadbirlar, uchrashuvlar hamda sport musobaqalari o‘tkazilishi rejalashtirilgan.
Bugun erta tongdan Kattaqo‘rg‘on shahrida mazkur oylik tadbirlariga tantanali ravishda start berildi. Harbiy orkestr sadolari ostida “Sog‘lom hayot uchun 5000 qadam!” shiori ostida marafon hamda yugurish musobaqasi tashkil etildi.
Mazkur tadbirda Kattaqo‘rg‘on shahar hokimligi, Kattaqo‘rg‘on davlat pedagogika instituti professor-o‘qituvchilari va talabalari, Kattaqo‘rg‘on garnizoni harbiy xizmatchilari, ta’lim muassasalari hamda mahalla xodimlari, shuningdek, faol yoshlar ishtirok etdilar.
Marafon doirasida o‘tkazilgan yugurish musobaqalarida faol qatnashgan yoshlar tashkilotchilar tomonidan munosib rag‘batlantirildi.