ЯКУНИЙ НАЗОРАТ ИМТИҲОНЛАРИ ШАФФОФЛИК VA АДОЛАТЛИЛИК МЕЗОНЛАРИ АСОСИДА ЎТКАЗИЛМОҚДА

Каттақўрғон давлат педагогика институтида якуний назорат имтиҳонлари шаффофлик ва адолатлилик тамойиллари асосида ташкил этилмоқда. Якуний назорат имтиҳонларига талабаларни киритиш фақат шахсни тасдиқловчи ҳужжатлар – талаба ID-картаси (1–3-босқич талабалари учун), паспорт, ID-карта ёки ҳайдовчилик гувоҳномаси тақдим этилгандан сўнг амалга оширилади.
Шунингдек, талабаларнинг турли техник воситалардан, жумладан, уяли алоқа воситалари, микро қулоқчинлар ҳамда кўчирмачиликка олиб келувчи бошқа қурилмалардан фойдаланишининг олдини олиш мақсадида имтиҳон хоналарига киришда металл детекторлар орқали текширув ўтказилмоқда.
Бундан ташқари, якуний назорат имтиҳонлари жараёнини кенг жамоатчилик институтнинг расмий веб-сайти – https://katdpi.uz/ — орқали жойлаштирилган махсус ҳавола орқали бевосита онлайн кузатиши мумкин.