Ikki ta’lim dasturi akkreditatsiyadan muvaffaqiyatli o‘tdi

Kattaqo‘rg‘on davlat pedagogika institutining Transport vositalari muhandisligi hamda Energetika muhandisligi ta’lim dasturlari Ta’lim sifatini ta’minlash milliy agentligi tomonidan o‘tkazilgan maxsus davlat akkreditatsiyasidan muvaffaqiyatli o‘tdi.
Akkreditatsiya jarayonida ta’lim dasturlarining belgilangan davlat ta’lim standartlari va talablariga muvofiqligi, ta’lim jarayonining tashkil etilishi, moddiy-texnik baza, professor-o‘qituvchilarning salohiyati hamda ta’lim sifatini ta’minlash mexanizmlari kabi mezonlar kompleks baholandi.
Akkreditatsiya jarayonining ijobiy yakunlanishi institutda ta’lim sifatini ta’minlash va ta’lim dasturlarini zamonaviy talablar asosida takomillashtirish borasidagi ishlarning amaliy natijasidir.