SamDUKFning "BOTANIKA BOG'I"da ko'chat o'tqazildi

Prezidentimiz tashabbusi bilan boshlangan "Yashil makon" umummilliy loyihasi tobora keng quloch yoymoqda. Bu SamDU Kattaqo'rg'on filialida ham har tomonlama qo'llab-quvvatlanib kelinmoqda. Bugun, 2024-yil 27-noyabr kuni filialimiz talaba-yoshlari hamda professor-o'qituvchilari tashabbusi bilan loyiha doirasida yana bir ezgu tashabbusga qo'l urildi.
"Samarqand suv ta'minoti" MCHJ Kattaqo'rg'on shahar bo‘limiga qarashli Ko'rpa suv inshootining bo'sh turgan yer maydonida SamDU Kattaqo'rg'on filialining "Botanika bog'i" tashkil qilindi.
"Yashil makon" loyihasi doirasida tashkil qilingan bog'da Aniq va tabiiy fanlar fakulteti professor-o'qituvchilari, talabalar, fakultet tyutorlari tashabbus ko'rsatib, 550 tup mevali daraxt ko'chatlari o'tqazishdi.
Tashabbusni filial direktori Sherzod Urakov hamda fakultet dekani Suxrob Rajabov boshlab berdi.