Talabalar Sohibqiron Amir Temur hayotiga bag‘ishlangan spektaklni tomosha qildi

Kattaqo‘rg‘on davlat pedagogika instituti talabalari Majidiy drama teatrida Sohibqiron Amir Temur hayoti va faoliyatiga bag‘ishlangan spektaklni tomosha qilishdi.
Tadbirda Kattaqo‘rg‘on shahar hokimi Gavhar Alimova, nuroniylar hamda tashkilot va korxona rahbarlari ham ishtirok etdilar.
Drama teatr aktyorlari tomoshabinlar uchun Sohibqiron Amir Temurning tarixiy merosini jonli sahnada namoyish etdilar. Ushbu spektakl talabalar va barcha ishtirokchilarda chuqur taassurot qoldirdi hamda milliy qadriyatlarimizga bo‘lgan hurmatni yanada mustahkamladi.