Tailandlik hamkorlar uchun Samarqandning tarixiy qadamjolariga madaniy ziyorat tashkil etildi

Kattaqo‘rg‘on davlat pedagogika instituti rektorining xalqaro hamkorlik doirasida tashkiliy ishlarni amalga oshirish to‘g‘risidagi 120-ij-sonli buyrug‘i ijrosini ta’minlash maqsadida institutimiz professor-o‘qituvchilari N.Ruziyeva, Sh.Yuldashev, T.Xamidov hamda yo‘nalish tyutori D.Abdumurodovlar boshchiligida Tailandning Valailak universiteti vakillari Asst. Prof. Dr. Kiki Juli Anggoro, Ms. Kedkarn Phanwiriyarat (MBA) va Ms. Adeelah Ayae (MA) uchun Samarqand viloyatidagi tarixiy va diqqatga sazovor qadamjolarga ziyorat tashkil etildi.
Tashrif davomida xorijiy mehmonlarga yurtimizning boy tarixiy-madaniy merosi, qadimiy me’moriy obidalari hamda milliy qadriyatlari keng tanishtirildi. Mazkur sayohat ikki tomonlama madaniy almashinuvni mustahkamlash, shuningdek, O‘zbekistonning madaniy merosini xalqaro miqyosda targ‘ib etishga xizmat qildi. Xorijlik mehmonlar esa o‘z navbatida yurtimiz tarixi va madaniyatiga bo‘lgan qiziqishlari ortganini ta’kidladilar.