“Tinchlik – oliy ne’mat”: talaba-yoshlar bilan profilaktik suhbat

Kattaqo‘rg‘on davlat pedagogika institutida talaba-yoshlar o‘rtasida “Tinchlik – oliy ne’mat” hamda “Jaholatga qarshi – ma’rifat bilan kurash!” mavzularida profilaktik suhbat tashkil etildi.

Tadbirda tinchlik va osoyishtalikni asrash, diniy bag‘rikenglikni mustahkamlash, turli yot g‘oyalar va buzg‘unchi mafkuralarning salbiy ta’siridan himoyalanish, internet va ijtimoiy tarmoqlardan oqilona foydalanish, shuningdek, jaholat va ekstremistik qarashlarning oldini olish masalalariga alohida e’tibor qaratildi.

Suhbat davomida talabalar o‘rtasida ijtimoiy-ma’naviy muhit barqarorligini ta’minlash bo‘yicha rektor maslahatchisi S.Tursunov mavzu yuzasidan ma’ruza qildi. Ma’ruzada tinchlik va barqarorlikning inson hamda jamiyat hayotidagi o‘rni, yoshlarning hushyor va ogoh bo‘lishi, turli tahdidlarga qarshi mustahkam mafkuraviy immunitetni shakllantirish masalalari haqida so‘z yuritildi.

Tadbirda Yoshlar masalalari va ma’naviy-ma’rifiy ishlar bo‘yicha birinchi prorektor Sh.Mustafayev, Kattaqo‘rg‘on shahar DXX o‘rinbosari O.Gadoyev, Din ishlari bo‘yicha qo‘mitasining Kattaqo‘rg‘on shahar bo‘yicha bosh mutaxassisi B.Qodirov hamda institut profilaktika inspektori X.Xaydarov ishtirok etdi.

Tadbir yakunida talaba-yoshlarning mavzu yuzasidan fikr va mulohazalari tinglanib, ularni qiziqtirgan savollarga mutaxassislar tomonidan batafsil javoblar berildi.