“Inklyuzivlik va media” mavzusida seminar-trening o‘tkazildi

Kattaqo‘rg‘on davlat pedagogika institutida “Inklyuzivlik va media” mavzusida ochiq seminar-trening bo‘lib o‘tdi. Tadbirda “Inklyuziv media klubi” a’zolari hamda dekan o‘rinbosarlari ishtirok etdi.
Seminarda “Inklyuziv media klubi” rahbari, O‘zbekiston Jurnalistlari ijodiy uyushmasi a’zosi O‘tkir Usmonov klub a’zolariga inklyuzivlik va media haqida tushuncha berdi.
Tadbir davomida ishtirokchilar inklyuziv media konsepsiyasi, uning jamiyatdagi o‘rni va amaliy qo‘llanilishi bo‘yicha fikr almashdilar, savol-javoblar o‘tkazildi. Shuningdek, kelgusida inklyuziv media loyihalarini amalga oshirish imkoniyatlari muhokama qilindi.