Karyera klubi: Bitiruvchi kurs talabalari uchun vakansiya platformalari bo‘yicha treninglar

Kattaqo‘rg‘on davlat pedagogika institutida bitiruvchi talabalarni mehnat bozoriga tayyorlash, ularning mustaqil ish topish ko‘nikmalarini rivojlantirish, rezyume tuzish, suhbat jarayonlariga tayyorlash hamda zamonaviy vakansiya platformalaridan samarali foydalanishni o‘rgatish maqsadida tashkil etilgan “Karyera klubi” muntazam faoliyat olib bormoqda.
Mazkur faoliyat doirasida bitiruvchi kurs talabalari bandligini ta’minlash, ularni kelgusidagi mehnat faoliyatiga samarali yo‘naltirish hamda ish beruvchilar bilan bevosita muloqotni mustahkamlash maqsadida institut Registrator ofisi boshlig‘i Sh.Xudoyberdiyev va Karyera markazi boshlig‘i Sh.Nurboboyev tomonidan talabalarga Careercentre.uz, Vakansiya.uz hamda Mehnat.uz platformalaridan foydalanish imkoniyatlari yuzasidan tushuntirish ishlari olib borildi.