Talabamiz “Yosh kitobxon” tanlovining Kattaqo‘rg‘on shahar bosqichida g‘olib bo‘ldi

Kattaqo‘rg‘on davlat pedagogika instituti talabasi Gulnoza Yusupova “Besh tashabbus olimpiadasi” doirasida tashkil etilgan “Yosh kitobxon” tanlovining Kattaqo‘rg‘on shahar bosqichida ishtirok etib, faxrli 1-o‘rinni qo‘lga kiritdi.
Mazkur yutuq talabaning kitobga bo‘lgan yuksak qiziqishi, izchil mutolaa madaniyati hamda mustahkam bilim va tafakkurining yorqin samarasi hisoblanadi. Bunday natijalar yoshlarimizni ilm-fan, kitobxonlik va yuksak maqsadlar sari intilishga ruhlantirib, ta’lim sifatini oshirishga xizmat qiladi.
Institut jamoasi Gulnoza Yusupovani ushbu yuksak yutug‘i bilan tabriklab, kelgusidagi o‘qish va ijodiy faoliyatida yanada katta muvaffaqiyatlar tilaydi.