Talabalar milliy kiyimlarda darslarda qatnashdi

Kattaqo‘rg‘on davlat pedagogika institutida juma kuni “Milliy liboslar kuni” munosabati bilan talabalar milliy kiyimlarda institutga tashrif buyurdilar. Ular atlas, adras va boshqa milliy matolardan tikilgan liboslarda o‘ziga xos rang-baranglik va milliylik ruhini namoyon etdilar. Mazkur tadbir yoshlarimizda milliy qadriyatlarimizga hurmat va ehtirom tuyg‘usini yanada mustahkamlash, boy an’ana va urf-odatlarimizni asrab-avaylashga xizmat qildi.
Talabalar va professor-o‘qituvchilar faol ishtirok etgan ushbu kun fakultetimizda o‘ziga xos fayz va nafosat muhitini yaratdi.