Ta’lim sifati oyligi doirasida seminar-trening o‘tkazildi

Kattaqo‘rg‘on davlat pedagogika institutida “Ta’lim sifati samaradorligi oyligi” doirasida seminar-trening tashkil etildi.
Mazkur seminar-treningda institut professor-o‘qituvchilari ishtirok etib, ta’lim sohasidagi muhim islohotlar, zamonaviy yondashuvlar hamda ilg‘or pedagogik tajribalar keng muhokama qilindi.
Tadbirda Samarqand davlat universiteti “Dasturiy injiniring” kafedrasi mudiri, dotsent Ozod Yusupov ishtirok etib, informatika fanining dolzarb muammolari, sun’iy intellekt hamda uning hayotdagi o‘rni haqida atroflicha ma’ruza qildi.
Seminar-trening yakunida ishtirokchilar o‘zaro fikr almashib, mavzu doirasida muhim taklif va tavsiyalar bildirdilar.