Institutda “Sport kuni” doirasida sport tadbirlari o‘tkazildi

Kattaqo‘rg‘on davlat pedagogika institutida rektor buyrug‘iga asosan har haftaning chorshanba kuni “Sport kuni” etib belgilandi.
Bugun erta tongdan Yoshlar yetakchisi H.Rashidov boshchiligida talabalar turar joyida istiqomat qiluvchi talabalar ishtirokida badantarbiya mashqlari o‘tkazildi. Institut sport zalida talabalar faolligi yuqori bo‘lib, voleybol va stol tennisi bo‘yicha musobaqalar tashkil etildi.
Mazkur tadbirlar talabalarning jismoniy faolligini oshirish hamda sog‘lom turmush tarzini keng targ‘ib etishga xizmat qilmoqda. Keyinchalik sport tadbirlari doirasida boshqa sport turlari bo‘yicha ham musobaqalar o‘tkazilishi rejalashtirilgan, bu borada ma’lumotlar berib boramiz.