Talabalar uchun psixologik trening tashkil etildi

Kattaqo‘rg‘on davlat pedagogika institutida ehtiyojmand oila farzandlarini qo‘llab-quvvatlash hamda ularga psixologik yordam ko‘rsatish maqsadida 1-sonli talabalar turar joyida psixologik trening tashkil etildi. Trening institutning xotin-qizlar masalalari bo‘yicha psixologi G.Inatullayeva tomonidan talabalar ishtirokida olib borildi.
Mazkur trening davomida stressli holatlardan chiqish, muammolarni to‘g‘ri qabul qilish va ularni samarali hal etish, shuningdek, muvaffaqiyatga erishish yo‘llari yuzasidan tavsiyalar berildi. Interaktiv usullar asosida tashkil etilgan trening qiziqarli va ko‘tarinki ruhda o‘tdi.
Tadbir talabalarning psixologik bilim va ko‘nikmalarini mustahkamlash, ularning ruhiy barqarorligini oshirish hamda ijobiy motivatsiyasini shakllantirishga xizmat qildi.