RAHBAR VA YOSHLAR UCHRASHUVI O‘TKAZILDI

Kattaqo‘rg‘on davlat pedagogika institutida “Payshanba – yoshlar kuni” munosabati bilan talaba yoshlar ishtirokida rahbar va yoshlar uchrashuvi tashkil etildi.

Uchrashuvda institut rektori Sherzod Urakov hamda Kattaqo‘rg‘on shahar IIB boshlig‘i, podpolkovnik Vaxob Axmedov ishtirok etib, talaba yoshlar bilan ochiq muloqot qildilar.

Suhbat davomida yoshlarning ta’lim olishi, bo‘sh vaqtini mazmunli tashkil etishi, huquq va manfaatlarini ta’minlash, shuningdek, ularni qiziqtirayotgan masalalar yuzasidan fikr almashildi.

Muloqot jarayonida talabalar o‘zlarini qiziqtirgan savollar bilan murojaat qilib, ularga mas’ullar tomonidan tegishli javob va tushuntirishlar berildi.

Uchrashuv yoshlar bilan ochiq va samimiy muloqotni yo‘lga qo‘yish, ularning taklif va tashabbuslarini qo‘llab-quvvatlashga xizmat qildi.