Talabalarga “Xavfsiz hayot” mavzusida ma’rifiy dars o‘tkazildi

Kattaqo‘rg‘on davlat pedagogika institutida “Kelajak soati” rukni doirasida “Xavfsiz hayot” mavzusida ma’rifiy dars tashkil etildi. Tadbirni Yoshlar masalalari bo‘yicha rektor maslahatchisi, yoshlar yetakchisi Husniddin Rashidov olib bordi.
Mazkur ma’rifiy dars davomida talabalar hayot xavfsizligi, ekologik madaniyatni shakllantirish hamda atrof-muhitni muhofaza qilishning muhim jihatlari bilan yaqindan tanishdilar. Shuningdek, yoshlarda mas’uliyat, ehtiyotkorlik va tabiiy resurslardan oqilona foydalanish madaniyatini yuksaltirishga qaratilgan tavsiyalar berildi.
Tadbir yakunida talabalar o‘zlarini qiziqtirgan savollarga javob oldilar va mavzu bo‘yicha fikr almashdilar.