Kattaqo‘rg‘on davlat pedagogika instituti talabalari “Besh tashabbus olimpiadasi” viloyat bosqichida g‘olib bo‘lishdi

Samarqand shahrida oliy ta’lim muassasalari o‘rtasida sportning yengil atletika turi bo‘yicha o‘tkazilgan “Besh tashabbus olimpiadasi”ning viloyat bosqichida Kattaqo‘rg‘on davlat pedagogika instituti jamoasi faxrli birinchi o‘rinni qo‘lga kiritdi.
Institutning Jismoniy madaniyat yo‘nalishi 25_13-guruh talabalari – Feruzbek Teshayev, Nodirjon Raxmatullayev, Muxlisa Ismatova va Gulandom Sherovalar jamoaviy hisobda faxrli birinchi o‘rinni egallashdi.
Mazkur yutuq tufayli jamoa endilikda musobaqaning respublika bosqichida ishtirok etish huquqini qo‘lga kiritdi.
Kattaqo‘rg‘on davlat pedagogika instituti jamoasi mazkur muvaffaqiyat bilan faxrlanadi va talabalarga keyingi bosqichda ham ulkan zafarlar tilaydi.