O‘zbekiston — millatlararo totuvlik va diniy bag‘rikenglik zamini

Kattaqo‘rg‘on davlat pedagogika institutida “O‘zbekiston – millatlararo totuvlik va diniy bag‘rikenglik yurti” mavzusida davra suhbati o‘tkazildi. Tadbirda institut psixologi M.Sulaymonov hamda Din ishlari bo‘yicha qo‘mitaning Kattaqo‘rg‘on shahar bo‘limi xodimi B.Qodirov ma’ruza qildi
Davra suhbatida tinchlik va totuvlikni mustahkamlashning beqiyos o‘rni haqida fikr-mulohazalar bildirildi. Shuningdek, millatlararo hamjihatlikni rivojlantirish, yoshlar ongida bag‘rikenglik madaniyatini shakllantirish, turli millat va konfessiyalar o‘rtasida o‘zaro hurmat tamoyillarini qaror toptirishga qaratilgan chora-tadbirlar yuzasidan batafsil ma’lumotlar berildi. Tadbir ishtirokchilari ushbu masalaning dolzarbligini ta’kidlab, o‘zlarining amaliy taklif va tavsiyalarini bildirdilar.