TALABALAR UCHUN KONSTITUTSIYANI O‘RGANISHGA BAG‘ISHLANGAN DARSLAR O‘TKAZILDI

Oliy ta’lim, fan va innovatsiyalar vazirligining 2025-yil 26-noyabrdagi 05/61-60-42-sonli xati ijrosini ta’minlash maqsadida Kattaqo‘rg‘on davlat pedagogika institutida Aniq va tabiiy fanlar fakulteti talabalari ishtirokida “Konstitutsiyani o‘rganamiz” hamda “Konstitutsiya – adolat tantanasi” mavzularida davra suhbati tashkil etildi.
Tadbirda O‘zbek tili va gumanitar fanlar kafedrasi o‘qituvchisi Bektosh Mamatov so‘zga chiqib, O‘zbekiston Respublikasi Konstitutsiyasining mazmun-mohiyati, uning yaratilish tarixi, davlat va jamiyat hayotidagi o‘rni haqida batafsil ma’lumot berdi. Shuningdek, yoshlarning konstitutsiyaviy bilimlarini mustahkamlash, huquqiy madaniyatini oshirishning ahamiyati alohida ta’kidlandi.
Davra suhbati talabalar uchun mazmunan boy va qiziqarli tarzda o‘tdi. Tadbir yakunida ishtirokchilarning savollariga javob berildi hamda Konstitutsiyaning asosiy tamoyillariga oid muhokamalar tashkil qilindi.