YAKUNIY NAZORAT IMTIHONLARI BOSHLANDI

Bugun Kattaqo‘rg‘on davlat pedagogika institutida talabalar uchun yakuniy nazorat imtihonlari boshlandi. Sessiya jarayonida yakuniy nazorat imtihonlarining o‘tkazilishi doimiy monitoring asosida olib borilmoqda.
Mazkur jarayonning shaffof, adolatli va belgilangan tartibda tashkil etilishini ta’minlash maqsadida institut rektorining buyrug‘iga muvofiq ishchi guruh faoliyat olib bormoqda. Xususan, institutning Korrupsiyaga qarshi kurashish komplayens nazorat tizimini boshqarish bo‘limi boshlig‘i Elbek Xudoyqulov hamda o‘quv bo‘limi xodimlari bilan birgalikda ishchi guruh tomonidan yakuniy nazorat imtihonlarining qonuniy va xolis o‘tkazilishi qat’iy nazoratga olingan.
Shuningdek, yakuniy nazorat turlarini keng jamoatchilik bevosita onlayn kuzatish uchun institutning rasmiy veb saytida — https://katdpi.uz/ – maxsus havola orqali onlayn kuzatish imkoniyati yaratildi.