ЯКУНИЙ НАЗОРАТ ИМТИҲОНЛАРИ БОШЛАНДИ

Бугун Каттақўрғон давлат педагогика институтида талабалар учун якуний назорат имтиҳонлари бошланди. Сессия жараёнида якуний назорат имтиҳонларининг ўтказилиши доимий мониторинг асосида олиб борилмоқда.
Мазкур жараённинг шаффоф, адолатли ва белгиланган тартибда ташкил этилишини таъминлаш мақсадида институт ректорининг буйруғига мувофиқ ишчи гуруҳ фаолият олиб бормоқда. Хусусан, институтнинг Коррупсияга қарши курашиш комплаенс назорат тизимини бошқариш бўлими бошлиғи Элбек Худойқулов ҳамда ўқув бўлими ходимлари билан биргаликда ишчи гуруҳ томонидан якуний назорат имтиҳонларининг қонуний ва холис ўтказилиши қатъий назоратга олинган.
Шунингдек, якуний назорат турларини кенг жамоатчилик бевосита онлайн кузатиш учун институтнинг расмий веб сайтида — https://katdpi.uz/ – махсус ҳавола орқали онлайн кузатиш имконияти яратилди.