Xalqaro ilmiy hamkorlik natijasida nufuzli jurnalda maqola e’lon qilindi

Kattaqo‘rg‘on davlat pedagogika instituti Xalqaro hamkorlik bo‘limi boshlig‘i Mirjalol Kudratov hamda institutimiz o‘qituvchisi, Hindiston Respublikasi fuqarosi professor Tabassum Qazi hamkorligida tayyorlangan “Emotsional regulyatsiya, affekt va psixologik farovonlik: madaniyatlararo tahlil” nomli ilmiy maqola Scopus xalqaro ilmiy ma’lumotlar bazasiga kiruvchi nufuzli jurnalda chop etildi.
Mazkur maqolada Hindiston va AQSh madaniy muhitida emotsional regulyatsiya, ijobiy va salbiy affekt hamda psixologik farovonlik o‘rtasidagi o‘zaro bog‘liqliklar empirik tahlil qilingan. Tadqiqot natijalari ushbu psixologik omillarning madaniyatlararo farqlari va umumiy jihatlarini aniqlashga qaratilgan bo‘lib, ilmiy-nazariy va amaliy ahamiyatga ega.
Ushbu nashr institutimiz professor-o‘qituvchilarining xalqaro miqyosdagi ilmiy faoliyati va xorijiy hamkorlik aloqalarining izchil rivojlanib borayotganidan dalolat beradi.