OCHIQ ESHIKLAR KUNI

Kattaqo‘rg‘on tumanidagi 53-sonli umumta’lim maktabining bitiruvchi sinf o‘quvchilari Kattaqo‘rg‘on davlat pedagogika institutiga tashrif buyurdilar.
Tashrif davomida o‘quvchilar institutdagi ta’lim yo‘nalishlari, yaratilgan zamonaviy sharoitlar, o‘quv auditoriyalari hamda talabalar uchun mavjud imkoniyatlar bilan yaqindan tanishdilar. Shuningdek, ularga institutda olib borilayotgan ta’lim jarayoni, talabalarning ilmiy va ijtimoiy hayoti haqida batafsil ma’lumotlar berildi.
Mazkur “Ochiq eshiklar kuni” tadbiri bitiruvchi yoshlarning kelajak kasbini tanlashiga ko‘maklashish, oliy ta’lim muassasasi faoliyati bilan yaqindan tanishtirish hamda ularda oliy ta’limga bo‘lgan qiziqishni yanada oshirishga xizmat qildi.