Rektor “Birinchi qo‘ng‘iroq” tadbirida ishtirok etdi

Kattaqo‘rg‘on shahridagi 6-sonli umumta’lim maktabida 2-sentabr kuni yangi o‘quv yilining boshlanishiga bag‘ishlangan “Birinchi qo‘ng‘iroq” tadbiri “Yagona Vatan, yagona xalq bo‘lib, yangi hayot va kelajak yaratamiz!” bosh g‘oyasi asosida ko‘tarinki ruhda o‘tkazildi.
Tadbirda Kattaqo‘rg‘on davlat pedagogika instituti rektori Sherzod Urakov ishtirok etib, o‘quvchilar, ustoz va murabbiylarni yangi o‘quv yili boshlanishi bilan muborakbod etdi hamda ularga ezgu tilaklarini bildirdi.
Shuningdek, maktabning 1-sinfga qabul qilingan o‘quvchilariga “Prezident sovg‘asi” tantanali ravishda topshirildi.
“Birinchi qo‘ng‘iroq” tadbiri o‘quvchilarda unutilmas taassurot qoldirib, yangi o‘quv yilini ko‘tarinki kayfiyat va katta ishonch bilan boshlashlariga zamin yaratdi.